समाचार

भारतीय विदेशमन्त्री जयशंकर पशुपतिनाथको दर्शनमा

काठमाडौं–नेपाल भ्रमणमा रहेका भारतीय विदेश मन्त्री एस जयशंकरले आज (बिहीबार) बिहान पशुपतिनाथ मन्दिरको दर्शन गरेका छन् ।

जयशंकरसहितको टोली बिहान पशुपतिनाथ मन्दिर पुगेको भारतीय दूतावाकासका कार्यक्रम अधिकृत गोविन्द शाहले जानकारी दिए ।

बिहानै पशुपतिनाथ पुगेका उनले पशुपतिनाथको दर्शन गरेका थिए । विदेशमन्त्री जयशंकरसँगै नेपालका लागि भारतीय राजदूत मञ्जिवसिंह पुरी पनि पशुपतिनाथ गएका थिए । जयशंकरसहितको टोलीलाई पशुपति क्षेत्र विकास कोषका सदस्यसचिव प्रदीप ढकालले पशुपति मन्दिर परिसरमा घुमाएका थिए ।

पशुपतिनाथको दर्शनपछि जयशंकर राष्ट्रपति विद्या भण्डारीलाई भेट्न शीलत निवास जानेछन् ।

शीतल निवासमा राष्ट्रपति भण्डारी र भारतीय विदेशमन्त्री जयशंकरबीच बिहान साढे १० बजे भेटवार्ता गर्ने कार्यक्रम तय गरिएको छ।

Related Articles

Back to top button
Close