समाचार

कलाकार अधिकारीको विद्युतीय शवदाह गृहमा अन्त्येष्टि

काठमाडौं– वरिष्ठ कलाकार स्वर्गीय शुभद्रा अधिकारीको पशुपतिस्थित विद्युतीय शवदाहगृहमा अन्त्येष्टि गरिएको छ ।

दम र निमोनिया रोगले पीडित अधिकारीको शनिबार बिहान निधन भएको थियो । नृत्य, रङ्गमञ्च हुँदै चलचित्र कलाकारका रुपमा समेत लामो समय कलाकारिता गरेकी अधिकारीलाई सरकारले विशिष्ट श्रेणीको सुविधा दिँदै आएको नेपाल चलचित्र कलाकार सङ्घका अध्यक्ष रवीन्द्र खड्काले जानकारी दिए ।


कलाकार अधिकारीको अन्त्यष्टिमा उपस्थित चलचित्र कलाकारहरु : दायाँतर्फबाट नायिका करिश्मा मानन्धर, निर्देशक एवं निर्माता आकाश अधिकारी, नायिका रेखा थापालगायत ।
स्व अधिकारीले लामो समय सांस्कृतिक संस्थान (राष्ट्रिय नाचघर) मा समेत सेवा गरेकी थिइन् । संस्कृति, पर्यटन तथा नागरिक उड्ययनमन्त्री योगेशकुमार भट्टराई पशुपति आर्यघाट पुग्नु भई स्व अधिकारीप्रति श्रद्धाञ्जली अर्पण गरेका थिए ।

विसं २००४ भदौ २० गते जन्मिएकी अधिकारीको ७३ वर्षको उमेरमा निधन भएको हो । कलाकारमाझ मिलनसार र मृदुभाषीको परिचय बनाएकी अधिकारीका एक छोरा र एक छोरी छन् ।

भर्खर

Related Articles

Back to top button
Close