खेलकुद

बार्सिलोना बिल्बाओसँग हार्‍यो

काठमाडौं- स्पेनिस लिगको नयाँ सिजनमा साविक विजेता बार्सिलोना एथ्लेटिको बिल्बाओसँग पराजित भएको छ । शुक्रबार राति भएको खेलमा बार्सिलोना १–० ले पराजित भएको हो ।

खेलको ८९ औ मिनेटमा घरेलु टोलीका लागि अरित्ज अडुरिजले विजयी गोल गरेका थिए । बैकल्पिक खेलाडीको रुपमा मैदान छिरेका उनले प्रहारमै गोल गरेका थिए । ३८ बर्षका खेलाडीले यसै सिजनको अन्तिमबाट खेल जिवनबाट सन्यास लिदैछन् ।

लुईस स्वारेज र राफिन्हाले बार्सिलोनका लागि राम्रो प्रर्दशन गरेका थिए । तर यसै सिजन १ सय ७ मिलियन पाउण्डमा क्लब आएका एन्टोनी ग्रिजम्यान भने आफ्नो प्रभाव छाड्न असफल रहे ।

पिँडुलाको चोटका कारण लियोनल मेस्सी अनुपस्थित रहेको खेलमा फिलिप कौटिन्हो समेत मैदान उत्रिएनन् । उनी पछिल्लो समय जर्मन क्लब बार्यन म्युनिखमा लोनमा जादैछन् । स्वारेजले समेत पहिलो हाफको खेलमा चोट बोकेका थिए ।

ईर्नेस्टो भाल्भर्डेको टिम लगातार तेस्रो पटक स्पेनिस लिगको उपाधि उचाल्ने लक्ष्य सहित मैदान उत्रिएको थियो । तर लिगको पहिलो खेलमा बार्साले अप्रत्यासित हार ब्यहोर्न बाध्य भएको छ ।

Related Articles

Back to top button
Close