समाचार

आमालाई क्यान्सर– छोराका दुवै मिर्गौलामा समस्या, सहयोगका लागि गुहार माग्दै बुहारी

कोहलपुर– आमा फोक्सोको क्यान्सरबाट पीडित छन् । छोरालाई मिर्गौलासम्बन्धी रोगले सताएको छ ।
यो पीडा हो, बाँकेको राप्ती सोनारी गाउँपालि–७ लापुरकी ६० वर्षीया तुलसा शाही र २४ वर्षीया हिरेन्द्रको ।

तुलसा लामो समयदेखि फोक्सो क्यान्सरबाट पीडित छन् । आर्थिक समस्याका कारण उनले उपचार गर्न पाएकी छैनन् । यसमाथि झन् २४ वर्षीया छोराका दुवै मिर्गौलामा समस्या देखिएको छ ।

दुवै जना गम्भीर रोगबाट पीडित भएपछि उपचार गर्न समस्या भएको हिरेन्द्रकी भाउजु बिमलाले बताइन् । बिमलाका अनुसार तुलसा लामो समयदेखि बिरामी थिइन् ।

गत असोजमा स्वास्थ्य संस्थामा जाँच गराउँदा उनमा फोक्सोको क्यान्सर भएको देखियो । भारतमा मजदुरी गर्दै आएका हिरेन्द्रलाई मिर्गाैलाको समस्या देखिएको हो ।

‘सासु र देवरको उपचार गराउँदैमा सवै रकम सकियो,’ बिमलाले भनिन्, ‘अहिले पनि ५ लाख जति ऋण लागेको छ । रोग भने निको भएको छैन ।’

विभिन्न सहयोगी व्यक्तिको भरतमा हिरेन्द्रको डायलसिस गराउँदै आएको बिमलाले सुनाइन । हिरेन्द्रको अहिले बाँकेको कोलपुरस्थित मेडिकल कलेजमा डायलसिस भइरहेको बिमलाले बताइन् ।

क्यान्सर पीडित तुलसालाई दुई पटकसम्म ‘किमो’ गरिएको छ । ‘अहिले आर्थिक अभावका कारण उपचार गर्न सकिएको छैन,’ बिमलाले सुनाइन् ।
देवर र सासुको उपचारका लागि भनेर बिमला अहिले विभिन्न निकाय तथा व्यक्तिसमक्ष सहयोगका लागि गुहार्दै आएकी छन् ।

Related Articles

Back to top button
Close