समाचार

अञ्जना हत्या प्रकरण : प्रहरी अनुसन्धान सकियो, करणी आशंकामा यस्तो आयो रिपोर्ट

ललितपुरको ढोलाहिटीमा म्यूजिक कम्पोजर उज्वल महतले बुहारीको विभत्स हत्या गरेको घटनामा प्रहरीको अनुसन्धान सकिएको छ । विभत्स रुपमा गएको बैसाख २६ वैशाख गते अञ्जनाको खुकुरी प्रहार गरी हत्या गरिएको थियो । उज्वलले घरमा आमा मात्रै भएका बेला बुहारी अञ्जनाको विभत्स हत्या गरेका थिए । हत्यापछि लामो अनुसन्धान सकेर प्रहरीले सरकारी वकिल कार्यालयलाई अनुसन्धान प्रतिवेदन बुझाएको छ ।

हत्याको घटनालाई विभिन्न कोणबाट अध्ययन अनुसन्धान गरी शुक्रबार अनुसन्धान प्रतिवेदन सरकारी वकिल कार्यालयलाई बुझाइएको महानगरीय प्रहरी वृत्त चापागाउँका डीएसपी राजकुमार खिउजुले जानकारी दिएका छन् । प्रहरीले गर्ने काम पूरा भएर प्रतिवेदन बुझाइएको बताउँदै उनले भने, ‘अब सरकारी वकिलको कार्यालयले दिने राय अनुसन्धान अदालती प्रक्रिया अघि बढ्छ ।’

प्रहरीको अनुसन्धान प्रतिवेदनमा के छ ?
प्रहरीले अञ्जना हत्या प्रकरणको अनुसन्धान सकेसँग सर्वसाधरणमा घटनाबारे थप चासो बढेको छ । प्रतिवेदनले घटनामा उज्जवलको मात्रै संलग्नता रहेको निष्कर्ष निकालेको स्रोतले जानकारी दिएको छ । अञ्जनाको माइती पक्षले भने एक जनाले मात्रै यस्तो क्रुर हत्या गर्न नसक्ने दाबी गर्दै परिवारका अन्यमाथि पनि अनुसन्धान गर्न माग गरेको थियो ।

उज्जवलको परिवारले भने उनी मानसिक रोगबाट ग्रसित भएको दाबी गरेको थियो । यद्यपि, प्रहरी अनुसन्धानबाट भाइ प्रज्वल र बुहारी अञ्जना महतसँग उनी असन्तुष्ट रहेको देखिएको थियो ।
स्रोतले भन्यो, ‘भाइबुहारीले घर बन्धकी राखेर क्याण्डा जाने प्रक्रिया थालेपछि उनी बुहारीसँग रुष्ट बनेका थिए, अनुसन्धान प्रतिवेदनमा पनि यहि कुरा उल्लेख छ ।’ कतिपयले अञ्जनाको हत्याअघि जबरजस्ती करणी भएको हुनसक्ने आशंका गरेका थिए ।

अञ्जनाको रुपमा कारण पनि उज्वल उनीप्रति भित्रभित्रै आशक्त हुन सक्ने कतिपयको आशंका र अभिव्यक्ति आए पनि अध्ययन प्रतिवेदनमा त्यस्तो पुष्टि हुने कुनै कुरा नदेखिएको स्रोतले जनाएको छ ।
विभिन्न क्षेत्रबाट आएको करणीको आशंकालाई समाधान गर्न प्रहरीले परीक्षणका लागि अञ्जनाको भजाइनल स्वाब अस्पतालमा पठाएको थियो । ‘मृतकमाथि जबरजस्ती करणी भएको मेडिकल जाँचबाट देखिएन’, अनुसन्धान प्रतिवेदनमा उल्लेख छ । अञ्जनाको शवको पाटन अस्पतालमा पोष्टमार्टम भएको थियो ।

Related Articles

Back to top button
Close